Özəl:

Marinə edilmiş albuxarı ilə toyuq salatı



Marinə edilmiş albuxarı ilə toyuq salatı
Tərkibi (2 pay): 
200 q toyuq filesi 
100 q kahı yarpağı
1 budaq kərəviz
1 qırmızı soğan 
0,5 yaşıl turşməzə alma
12-14 qara gavalı 
duz
istiot (qara, ağ, qırmızı - zövqə görə qarışıq)
kəklikotu
1-2 x.q. sidr qozası (dolmalıq fıstıq)

Qara gavalı üçün marinad: 

2 x.q. zeytun yağı
1 ç.q. bal
50 ml üzüm sirkəsi
50 ml su

Hazırlanması:

Əvvəlcə gavalını marinə etmək lazımdır. Sirkə ilə suyu qarışdırın, yağ və 1 çimdik kəklikotu qurusu əlavə edin. 
Ocağın üstünə qoyun, qaynara düşəndə gavalıları əlavə edin, 2 dəqiqə qaynadıb götürün. Bal qatıb qarışdırın, soyudun. Dadına baxın, lazım gələrsə əlavə bal, yaxud sirkə qatın. 
Toyuq filesini ya sobada bişirin, ya da suda. Soyudub doğrayın. 
Kahı yarpaqlarını yuyub suyunu süzün. Soğanı nazik yarımhalqa doğrayın, alma ilə kərəvizi də nazik dilimləyin. 
Qaba kahı yarpaqlarını düzün, kərəviz, soğan və almanı qoyun. Toyuq ətini əlavə edin. İstiot qarışığını səpin. Duz da əlavə edə bilərsiniz. Gavalıları düzün. Marinadı salatın üzərinə gəzdirib fıstıq səpin. 

Nuş olsun!
loading...
Offline
  • Şərh №: 1
  • 4 may 2016 15:07
  • Xəbər sayı: 198
  • Şərh sayı: 905
Qariwiqdi.beyenmedim

--------------------

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.

Vətənim Azərbaycan

Xəbər lenti

Sorğu

 

Bədən görünüşünüzün mükəmməl olduğunu düşünsəniz seçəcəyiniz kürək dekoltesi hansı olardı?

1.Sadə
2.Cəsur

 
 

Ən çox baxılan xəbərlər