Özəl:

Oğru qadın



Oğru qadın
Son vaxtlar birazca kövrək olmuşam
Bir mahnı bəs edər ağlamaq üçün
Uçmuş xəyallara dirək olmuşam
Bu eşqi ayaqda saxlamaq üçün

Bıçaq sözləriylə, acı diliylə
Məni dilim-dilim doğruyan qadın!
Ağıla sığmayan gözəlliyiylə
Ağlımı başımdan oğruyan qadın!

Sənin soyuqluğun üşüdür məni
Ağlıma itirmək qorxusu gəlir
Gözümün yaşıyla gəl yuyum səni
Üstündən ayrılıq qoxusu gəlir

Gözümün yaşında boğulub, batdım
Adam da bu qədər qədirsiz olmaz
Şair ürəyinə yol tapan qadın
Sən yaxşı bilirsən şeirsiz qalmaz

Nə qədər sevirəm xəbərin varmı? 
Sevən bir ürəyə qıyıb gedirsən
Sənin etdiklərin haqqa sığarmı? 
Məni yarı yolda qoyub gedirsən

Gedirsən...nə deyim, sənə yaxşı yol
Ağlımı özüynən aparan qadın,
Ən böyük qarğışım...təki xoşbəxt ol
Məni xoşbəxtlikdən qoparan qadın!

loading...
Offline
  • Şərh №: 1
  • 15 iyun 2016 11:19
  • Xəbər sayı: 198
  • Şərh sayı: 905
Tesirli şeirdi....

--------------------

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.

Vətənim Azərbaycan

Xəbər lenti

Sorğu

 

Bədən görünüşünüzün mükəmməl olduğunu düşünsəniz seçəcəyiniz kürək dekoltesi hansı olardı?

1.Sadə
2.Cəsur

 
 

Ən çox baxılan xəbərlər