Özəl:

Sileyi-rəhim nədir?



Sileyi-rəhim nədir?
Sileyi-rəhim nədir?

Ərəb dilindən tərcümədə "silə” sözü bağlılıq, "rəhim” isə ana bətni mənalarını verir. Dini termin olaraq, qohumlarla rabitə saxlamaq, qohumluq əlaqələrini canlı tutmaq, yaxınlarla mütəmadi olaraq hal-əhval tutub görüşmək sileyi-rəhim sayılır. Sileyi-rəhim hər bir müsəlmanın öhdəsində olan əsas vəzifələrdən biridir. Həzrət Mühəmməd Peyğəmbər (s) buyurmuşdur ki, sileyi-rəhim dinin bir hissəsıdir. İnsan öz qohumunu ziyarət edərkən ibadət etmiş kimi savab qazanır. Quranın "Mühəmməd” surəsinin 22-ci ayəsində qohumlarla rabitəni kəsən şəxsin ilahi lənətə düçar olacağı bildırilir. Hətta Peyğəmbər (s) Allahı ən çox qəzəbləndirən günahlar sırasında Allaha şərik qoşmaqdan sonra qohumlarla əlaqəni kəsməyi qeyd etmişdi. O həzrət buyurmuşdur: "Qiyamət günündə cəhənnəmin üzərindən hamının keçəcəyi sırat körpüsü qurulacaq. Körpünün başında duran mələklər insanlardan iki məsələ barədə soruşacaqlar: namaz və sileyi-rəhim. Namaz qılan, qohumlarla rabitəni unut¬mayan şəxs körpüdən salamat keçər, cəhənnəmə düşməz”. İmam Mühəmməd Baqir (ə) buyurub: "Sileyi-rəhim insanın əməllərini paklaşdırar, mal-dövləti artırar, bəlaları uzaqlaşdırar, qiyamət hesabını asanlaşdırar və əcəli yubadar”. Nəzərə almaq lazımdır ki, çətin vəziyyətə düşmüş, müsibətlə üzləşmiş, xəstələnmiş qohumların təsəlliyə daha çox ehtiyacı olduğu üçün onların ziyarətinə daha tez-tez getmək lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.

Vətənim Azərbaycan

Xəbər lenti

Sorğu

 

Bədən görünüşünüzün mükəmməl olduğunu düşünsəniz seçəcəyiniz kürək dekoltesi hansı olardı?

1.Sadə
2.Cəsur

 
 

Ən çox baxılan xəbərlər